miércoles, 14 de mayo de 2008

1er CONCURSO DE TEATRO LIDO EN GALEGO DA RADIO NERIA

I Concurso de Teatro Lido en galego da Radio Neria

A radio municipal de Corcubión, a Radio Neria, en colaboración con este diario dixital, está a argallar unha nova e interesante inciativa para achegar aos cativos da zona á radio e ao teatro en galego. Deste xeito, e tratando de involucrar a todos os nenos de primaria da bisbarra, a Radio Neria abre a presentación para o certame ata o vindeiro 1 de xuño. Os gañadores, e os non gañadores tamén, poderán acodir aos estudios para disfrutar dunha xornada radiofónica, co gallo de ler as súas obras nas ondas. Os gañadores si que levarán como premio un lote de libros.
Xa andan involucrados varios colexios da bisbarra, sobre todo dos concellos de Cee, Corcubión, Muxía e Fisterra, pero o certame está aberto a todos os colexios que estén interesados. Os profesores que se queiran involucrar pódense informar no teléfono da radio (981 74 67 01) ou nos correos electrónicos

radioneria@hotmail.es

Este enderezo de correo-e está protexido contra spam bots, necesitas ter o Javascript activado para podelo ver

ou
info@quepasanacosta.com


Este enderezo de correo-e está protexido contra spam bots, necesitas ter o Javascript activado para podelo ver , dende onde poderán recibir as bases do certame. Animamos a que os profesores de primaria das escolas da bisbarra se involucren nesta bonita iniciativa que pode axudar aos cativos a coñecer dous mundos: o do propio teatro, e mais o que ten unha radio por dentro.
Ideas básicas do certame
As obras deberán ser escritas en idioma galego. O tema será libre. O prazo de presentación dos traballos rematará o 1 de XUÑO de 2008. Os traballos poderán ser recollidos no local da radio Neria, enfronte dos xulgados de Corcubión. Os premios serán varios lotes de libros, e se avisará aos gañadores a partir do 1 de xuño. Ademais, haberá a posibllidade de acodir á radio a ler as obras e a ver unha emisora por dentro.
Bases do concurso
Organizado por RADIO NERIA e QUE PASA NA COSTA, convócase o I CONCURSO DE TEATRO LIDO EN GALEGO “RADIO NERIA”:
I. TEMÁTICA: As obras deberán ser escritas en idioma galego, necesariamente, tanto na modalidade de TEATRO LIDO EN GALEGO “RADIO NERIA”. O tema será libre.
II. PARTICIPANTES: O certame está aberto para todolos nenos de primaria da COSTA DA MORTE;
III. OBRAS: TEATRO LIDO EN GALEGO “RADIO NERIA”:Os traballos serán escritos en idioma galego, orixinais e inéditos.Presentaranse baixo un título e asinados con pseudónimo.➔ Os traballos se entregarán por triplicado, mecanografiados a dobre espazo e por unha soa cara, cunha extensión máxima de catro folios DIN A4. (O Xurado poderá reconsiderar a extensión da obra se entendese que a temática ou desenvolvemento lóxico do argumento o precisasen). ➔ Os datos personais do autor (nome e apelidos, data de nacemento, enderezo, teléfono, e-mail), presentaranse xunto ao relato, nun sobre pechado, co título da obra e o pseudónimo no exterior, coa finalidade de garantir o anonimato do autor ata que o Xurado proceda á selección dos relatos gañadores.
IV. PRAZO E LUGAR DE ENTREGA: O prazo de presentación dos traballos rematará o 1 de XUÑO de 2008. Os orixinais deberán deixarse, en sobre pechado, e o alumno debera entregarlle o tutor que estes seran recollidos por RADIO NERIA, indicando únicamente no exterior: “I CONCURSO DE TEATRO LIDO EN GALEGO “RADIO NERIA”. Os traballos tamén se poden entregar persoalmente,EN RADIO NERIA.
V. PREMIOS: A PARTIR DO DÍA 1 DE XUÑO DIRANXE OS GAÑADORES NAS EMISIONS DE RADIO NERIA Outorgaranse os seguintes premios:PRIMER PREMIO: UN LOTE DE LIBROS GRANDE VALORADO EN 60 EUROS MAIS DIPLOMA;SEGUNDO PREMIO: UN LOTE DE LIBROS MEDIADO VALORA EN 30 EUROS MAIS DIPLOMA;TERCER PREMIO UN LOTE DE LIBROS PEQUEÑO VALORADO EN 20 EUROS MAIS DIPLOMA.
VI. PROCESO DE SELECCIÓN DE GAÑADORES:O Xurado estará composto por membros da RADIO NERIA A valoración das obras realizarase conforme ás presentes bases e aos criterios de calidade e orixinalidade dos traballos. O fallo do Xurado será inapelable e resérvase o dereito a declarar deserto calquera dos premios deste certame, se o considerase oportuno.
VII. PUBLICACIÓN DOS RESULTADOS:O fallo do xurado comunicarase individualmente aos gañadores por teléfono e nos colexios e mais nas emisións de RADIO NERIA.
VIII. OUTRAS CONSIDERACIÓNS:RADIO NERIA quedará eximido de calquera responsabilidade derivada do plaxio ou de calquera outra transgresión da lexislación vixente na que puidera incurrir calquera dos participantes.Toda cuestión ou dúbida que poida xurdir na súa interpretación será resolta polos membros do Xurado.De conformidade co previsto na Lei Orgánica 15/1999, de 13 de dicembro, de Protecciónde Datos de Carácter Persoal, vostede queda informado e acepta expresamente que os seus datos persoais serán incluidos no ficheiro, titularidade da Asociación Cultural As Angustias, denominado “Concurso literario As Angustias”. En calquera momento poderá exercitar os dereitos de acceso, rectificación e cancelación, coa referencia “Protección de Datos”, indicando o nome do ficheiro e o dereito que exercita. A participación neste concurso implica a cesión, por parte do autor, dos dereitos da súa a RADIO NERIA, polo que os orixinais quedarán en poder da RADIO NERIA, que se reserva o dereito á súa publicación, exposición, reprodución ou calquera outro tratamento posterior, sempre sen ánimo de lucro. A participación neste certame supón a plena e total aceptación das presentes bases.

No hay comentarios: